الدرس الثالث

دورۃ النحو و الصرف

دار العلوم معین الاسلام، شیخ نگر پیپاڑ جودھپور راجستھان

معرفہ و نکرہ

معرفہ

معرفہ وہ اسم ہے جو کسی معین (مخصوص) چیز کے لیے استعمال ہوتا ہے۔

معرفہ کی سات قسمیں:

• 1. ضمیر:
  • وہ اسم ہے جو متکلم, مخاطب, یا کسی غیر موجود شخص پر دلالت کرے جس کا ذکر پہلے ہو چکا ہو۔
  • مثال: هو (وہ), أنت (تم), أنا (میں), نحن (ہم)
• 2. علم:
  • وہ اسم جو کسی معین چیز کے لیے مخصوص ہو اور اس کی جگہ کسی اور چیز کا نام نہ ہو۔
  • مثال: زید, دہلی, زمزم
• 3. اسمِ اشاره:
  • وہ اسم جو کسی چیز کی طرف اشارہ کرنے کے لیے استعمال ہوتا ہے۔
  • مثال: هذَا, ذٰلِکَ
• 4. اسم موصول:
  • وہ اسم ہے جو بغیر صلہ کے جملہ کا حصہ نہ بن سکے۔
  • مثال: الذي, التي
• 5. معرف باللام:
  • وہ اسم ہے جس کے شروع میں “ال” لگا کر اسے معرفہ بنایا جائے۔
  • مثال: الرَّجُلُ
• 6. مضاف الى المعرفہ:
  • وہ اسم جو معرفہ کی اوپر والی پانچ قسموں میں سے کسی ایک کی طرف مضاف ہو کر معرفہ بن جائے۔
  • مثال: غلامُه, مُرشدك, كتاب زیدٍ
• 7. معرف بالنداء:
  • وہ اسم جو نداء کی وجہ سے معرفہ ہو جائے۔
  • مثال: يا رجُل

نکرہ

نکرہ وہ اسم ہے جو کسی غیر معین (غیر مخصوص) چیز کے لیے استعمال ہوتا ہے۔

مثال: فرسٌ (کوئی گھوڑا)