دورۃ النحو و الصرف

دار العلوم معین الاسلام شیخ نگر پیپاڑ جودھپور راجستھان میں پڑھائے جا چکے درس کے نوٹس

الدرس الاول

اسم کی علامات (یعنی وہ چیزیں جن سے آپ اسم کی پہچان کر سکتے ہیں)

• 1. الف لام اس کے شروع میں ہو:
  مثال: الحَمْدُ (الف لام کے ساتھ شروع ہونے والا لفظ)
• 2. حرف جر اس کے شروع میں ہو:
  مثال: بِزَيْدٍ (حرف جر “ب” کے ساتھ شروع ہونے والا لفظ)
• 3. تنوین اس کے آخر میں ہو:
  مثال: زَيْدٌ (تنوین کے ساتھ ختم ہونے والا لفظ)
• 4. مسند الیہ ہو:
  وضاحت: یہ وہ اسم ہے جس کی طرف خبر یا فعل کی نسبت کی جاتی ہے۔
  مثال: زَيْدٌ قَائِمٌ اور ضرب زید، دونوں مثالوں میں زَيْدٌ
• 5. مضاف ہو:
  مثال: غُلَامُ زَيْدٍ (مضاف غلام ہوگا)
• 6. مصغر ہو:
  مثال: رُجَيْلٌ (اصل لفظ “رَجُلٌ” تھا، اس کا تصغیر “رُجَيْلٌ” بن گیا)
  تصغیر کا مطلب ہوتا ہے کسی چیز کو چھوٹا یا حقیر بنانا۔
• 7. منسوب ہو:
  مثال: بَغْدَادِي، هِنْدِي (یہ کسی جگہ یا قوم سے منسوب لفظ کو یائے نسبتی لگا کر بنایا جاتا ہے)
• 8. تثنیہ ہو:
  وضاحت: تثنیہ عربی میں دو افراد یا اشیاء کو ظاہر کرنے کے لیے استعمال ہوتا ہے۔
  مثال: رَجُلَانِ (دو مرد)
• 9. جمع ہو:
  وضاحت: جمع وہ اسم ہے جو تین یا اس سے زیادہ افراد یا اشیاء کو ظاہر کرتا ہے۔
  مثال: رِجَالٌ (رجل کی جمع)
• 10. موصوف ہو:
  مثال: رَجُلٌ عَالِمٌ (رَجُلٌ ایسا اسم ہے جو عالم کی صفت سے موصوف ہے)
• 11. تائے تانیث متحرک اس کے اخیر میں ہو:
  مثال: مُسْلِمَةٌ (تائے تانیث کے ساتھ ختم ہونے والا لفظ)